دارميات حب

استعرض الموضوع السابق استعرض الموضوع التالي اذهب الى الأسفل

دارميات حب

مُساهمة من طرف جواد الحسناوي في الخميس مايو 16, 2013 5:53 pm


يالردت عني تروح روح بسلامه
بس عدنا راح يصير يوم القيامه


والحسن احلف دوم مابعد اجيكم
اوصل لحرف النون وارجع عليكم


بكل حلو لوله تصير بس شحجي عنك
صارت اللوله البيك حتى احلى منك


كالو تريد اتروح واتعذب الروح
امودع الله اوياك بس ابقى لتروح


كالو تريد اتروح واتودع بساع
جا غير اشيل الكاع والزكه بالكاع


اجمل صباح اليوم وبعمري بس هاي
شلت الغطه وفزيت لن عيني بهواي.


شوف شكثر مكروه التجفي دنياهه
حته الصديق يكول عيب امشي وياهه.


ريت الالم مو بيك ياريته بيه
دونك لجر الموت بثنين اديه.


ترجف عليك اعضاي كل ساعه وتلوج
ودموعي عالخدين روج بأثر روج


من عمت عينه الكال بفراكك ارتاح
ابجي ابسواد الليل حتى الرمش طاح


كلبي اشتكالك ليش ترفض شكيته
متيه وشافك صاح احا لكيته


موحش يبعد الروح گلبي التركته
والدم صفه الونات والحسره دكته


روحك لون تشتاك من كثر الفراك
حظن بحظن وياه وتكلي مشتاك


تبجي بغزاره.. نكول هنيال العيون
وشلت دمع العين وصبحت مجنون


يا يــوم افــز والگـاك..متــوسد ايــدي
ولـو صــدك صــارت هــاي.. صدكنــي عيــدي


سهــران انه ومهــموم.. والغــالي نــايم
خـــل بيــه كــلشي يصــير.. بس كــونه ســالم


مــو كل اليحــبون.. حبــهم مثــلنه
اكثــرهم يــلعبــون.. وبلا محـــنه


انـــي ادري مــــا تنطـــال .. بالحلم حتــه
بس الگــلب والـــروح..مـالكهن انــــت


شمــا اكتــب الكلمـــات ..ماتوصفلكم
شگد گـــلبي يحمل شــوگ ..وشگـد احبكم


نخله انه وي الريح اتحرك ابسر
هذه اني حالي ايصير من اسمك يمر


من حلاتك كلها تحچي واني غامرني السكوت
اخاف من احچي بحلاتك يصعد السكر واموت .


جار البيوت ايشيل ويمكن يسافر
بس انته جار الروح وبالگلب صاير .


ملهوف اجاني العيد هااا گتله شتريد
راويته جرح هواي ضل يلطم العيد .


بالعيد اعايد ناس بس انته لاله
[size=16]هم شفت واحد يوم عايد هلاله .


رمضان اجانه ارجوك لا تطلع اصبر
عيد انته لو شفناك معناها نفطر .


بالك تظن واتگول عشرتنه مده
باب الگلب مفتوح هيهات اسده .


لا تظن يوم انساك واگدر املّك
ومابيه حيل فراگ من هسه اگلك .


طگ گلبي والعباس كلش عليكم
مو مشي يمكن راح دقلات اجيكم .


لعيونك الحلوات بس اكتب اشعار *** وحته الكلب مرات من عدهن يغار.


ثاري الكلب بالشوف اقوى من العيون *** يعني التضيعة العين بالكلب مدفون.


يم بيتي ريتك كون واشمرلك العين *** تشبعلي منك شوف وتردلي بعدين.


أشمرلك العينين لو يمي بيتك *** وانتحر ست مرات لو ما لكيتك .


هاك اخذ كل اعضاي صفطهة بيدك ***
سبني دم محروم يمشي بوريدك.
cheers cheers  cheers  cheers  cheers  cheers  cheers  cheers


عدل سابقا من قبل جواد الحسناوي في الإثنين يونيو 24, 2013 4:44 am عدل 1 مرات

جواد الحسناوي
Admin

عدد المساهمات : 18
تاريخ التسجيل : 13/05/2013
العمر : 28
الموقع : https://www.facebook.com/jwad88?ref=tn_tnmn

معاينة صفحة البيانات الشخصي للعضو http://jwad.arab.st

الرجوع الى أعلى الصفحة اذهب الى الأسفل

رد: دارميات حب

مُساهمة من طرف جواد الحسناوي في الثلاثاء مايو 21, 2013 10:05 pm

http://im42.gulfup.com/Qj9L8.swf

جواد الحسناوي
Admin

عدد المساهمات : 18
تاريخ التسجيل : 13/05/2013
العمر : 28
الموقع : https://www.facebook.com/jwad88?ref=tn_tnmn

معاينة صفحة البيانات الشخصي للعضو http://jwad.arab.st

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى